آئی آئی ٹی دہلی کے 50 ویں جلسئہ تقسیم اسناد کے موقع پر اسرو چیف کے سیوان مہمان خصوصی کے طور پر پہنچے۔ جہاں انھوں نے طلباء سے خطاب بھی کیا۔
چندریان 2 پر اسرو چیف کا مشن ابھی ختم نہیں ہوا ہے
کے سیوان نے کہا کہ چندرایان 2 کے لیے کوششیں کی جارہی ہیں اور یہ اب بھی 300 میٹر کے اندر ہے۔ ہم دوسرے بہت سے مشنوں پر بھی کام کر رہے ہیں اور چندریان 3 کی تیاری بھی کر رہے ہیں۔ یہ ہماری ناکامی نہیں بلکہ ملک کے لیے ایک تجربے کے طور پر سامنے آیا ہے۔
انہوں نے مزید کہا کہ آنے والے وقت میں وہ چاند پر ضرور کامیابی حاصل کرسکتے ہیں۔
اسرو چیف نے کنووکیشن کے موقع پر اظہار خیال کرتے ہوئے کہا کہ طلباء کو کبھی یہ نہیں سوچنا چاہئے کہ وہ اپنی تعلیم مکمل کرنے کے بعد مکمل طور پر قابل بن گئے ہیں۔ انہوں نے کہا کہ تجربہ سب سے بڑی تعلیم ہے لہذا ہمیں اپنی زندگی میں تجربات کرتے رہنا چاہئے۔
