نئی دہلی: دہلی سمیت ملک بھر میں گنیش چترتھی کا تہوار منایا جا رہا ہے۔ اس موقع پر عوامی مقامات پر گنیش کی مورتی لگاکر بڑے بڑے تقریبات کیے جاتے ہیں۔ اس بارے میں کہا جاتا ہے کہ بھگوان گنیش کی پیدائش چترتھی کے دن ہوئی تھی۔ دس دنوں تک چلنے والا یہ تہوار 19 ستبر کو ختم ہوگا۔
وہیں قومی دارالحکومت دہلی میں عوامی مقامات پر گنیش چترتھی کی تقریبات کے انعقاد پر پابندی عائد کردی گئی ہے۔ پابندی کی وجہ سے پولیس نے چوکسی بڑھا دی ہے۔
یہ پابندی دہلی ڈیزاسٹر مینجمنٹ اتھارٹی (ڈی ڈی ایم اے) نے کووڈ 19 کی موجودہ صورتحال کے پیش نظر عائد کی ہے۔ گزشتہ روز ڈی ڈی ایم اے نے اپنے حکم میں کہا ہے کہ 'گنیش چترتھی مہوتسو اس ماہ منایا جائے گا۔ کووڈ 19 کے تناظر میں موجودہ پابندیوں کے پیش نظر یہ فیصلہ کیا گیا ہے کہ عوامی مقامات پر گنیش چترتھی کی تقریبات منعقد نہ ہونے دیں۔ لوگ اپنے عقیدے کے مطابق گھروں میں ہی مورتی نصب کریں۔'
ڈیزاسٹر مینجمنٹ اتھارٹی نے دہلی کے تمام ڈسٹرکٹ مجسٹریٹ اور ڈسٹرکٹ کمشنر آف پولیس اور متعلقہ افسران کو یہ یقینی بنانے کی ہدایت دی ہے کہ گنیش کی کوئی بھی مورتی خیموں، پنڈالوں یا عوامی مقامات پر نصب نہیں کی جائے گی۔
حکم نامہ میں کہا گیا ہے کہ کسی بھی جلوس کی اجازت نہیں دی جائے گی اور عوام کو اپنے گھروں میں گنیش چترتھی کا تہوار منانے کی ترغیب دی جائے۔
یہ بھی پڑھیں: دہلی: کورونا دور میں ہوئے تعلیمی نقصان کے لیے خصوصی پیکج کا مطالبہ
انتظامیہ تیسری لہر کو دیکھتے ہوئے پہلے سے ہی احتیاطی تدابیر اختیار کر رہی ہے، جس سے کوئی لاپرواہی نہ ہو اور لوگوں کی زندگی کو ضائع ہونے سے بچایا جا سکے۔
