نوئیڈا کی کمپنی میں ڈکیتی، 4 بدمعاش گرفتار

نوئیڈا میں گذشتہ 20 اگست کی رات انورٹر مینوفیکچرنگ کمپنی میں تین محافظوں کو یرغمال بنا کر لوٹ پاٹ کرنے کے معاملہ کا کوتوالی فیز II پولیس نے انکشاف کرتے ہوئے واردت میں ملوث 4 شرپسندوں کو گرفتار کرنے کا دعویٰ کیا ہے، پولیس کاروائی میں لوٹ کا سامان بھی برامد کرلیا گیا۔ پولیس اس کیس کے دیگر مفرور ملزموں کی تلاش میں ہے۔

کوتوالی فیز 2 پولیس نے 20 اگست کی رات سیکٹر 81 میں واقع پروٹونکس فارچیونر پرائیویٹ لمیٹڈ کمپنی میں ڈکیتی کی واردات کا انکشاف کرتے ہوئے چار ملزمان کو گرفتار کیا ہے۔ ان کی شناخت میرٹھ کے عارف، بہار کے فردوس، بلند شہر کے کفیل اور میرٹھ کے محسن کے طور پر کی گئی۔

کوتوالی فیز 2 پولیس کے مطابق کمپنی کے کیمپس میں بنائے گئے مندر سے لوٹے گئے 4 سونے کی مورتیاں، واقعہ میں استعمال ہونے والی سینٹرو کار اور 50 ہزار روپے نقد کو برآمد کرلیا گیا۔ شرپسندوں سے پوچھ گچھ کے بعد ان کے دیگر ساتھیوں کی تلاش کی جا رہی ہے، ساتھ ہی لوٹا ہوا سامان برآمد کرنے کی کوشش بھی جاری ہے۔