اطلاعات کے مطابق ایک ستمبر کی دیر رات جنوبی مشرقی دہلی کے امر کالونی میں مہنگے گاڑیوں میں سوار چند افراد نے پہلے تو پولیس اہلکاروں کی پٹائی کر دی اور پھر ان کی وردی بھی پھاڑ دی۔
یہ بھی بتایا جا رہا ہے کہ پولیس اہلکاروں کو اپنی جان بچانے کے لئے وہاں بھاگنا بھی پڑا۔
پولیس کے مطابق یکم ستمبر کی رات کو ہیڈ کانسٹیبل شیر سنگھ اور اے ایس آئی راجندر پیکٹ لگا کر گاڑیاں چیک کررہے تھے ، اسی دوران 3 مہنگی گاڑیاں آئیں۔ معمول کے مطابق جب پولیس نے ان گاڑیوں کے مالکان سےگاڑی کے کاغذات کا مطالبہ کیا تو گاڑی میں سوار افراد ان سے بحث کرنے لگے۔
بات اتنی زیادہ بڑھ گئی کہ شر پسندوں نے ہیڈ کانسٹیبل شیر سنگھ کو بری طرح سے پیٹنا شروع کر دیا اور ان کی وردی تک کو پھاڑ دی۔ لیکن اسی اثنا میں تھانے کے سٹاف وہاں پہنچ گیے جن کی مدد سے ملزمان پکڑے گئے۔
گرفتار ملزمان کی شناخت ونود ، ریتوک ، ویبھو اور گووند کے طور پر کی گئی ہے۔ پولیس نے بی ایم ڈبلیو کار سمیت تین مہنگی کاریں ضبط کر چاروں ملزمان کو عدالت میں پیش کیا جہاں سے انہیں ضمانت بھی مل گئی۔
بتایا جا رہا ہے کہ ملزمان شراب کے نشے میں تھے اور وہ سب فرید آباد کے ایک ایم ایل اے کا رشتہ دار بھی ہے۔
