اسٹوڈنٹ یونین کی جانب سے گنتی کے رجحانات کے بارے میں جانکاری دی جا رہی ہے جس میں بائیں محاذ کے تمام امیدوار آگے چل رہے ہیں۔ جے این یو اسٹوڈنٹ یونین میں صدر، نائب صدر، جنرل سکریٹری اور جوائنٹ سکریٹری عہدوں پر بائیں محاذ امیدوار آگے چل رہے ہیں۔
بائیں محاذ کے جوائنٹ سکریٹری عہدے کے امیدوار محمد دانش نے ای ٹی وی بھارت سے بتایا کہ جس طرح سے ووٹوں کی گنتی جاری ہے اور تمام اسکولوں میں گنتی کو لے کر رجحان سامنے آ رہے ہیں اس سے انہیں پوار یقین ہے کہ جے این یو میں ایک بار پھر بائیں محاذ کا پرچم لہرائے گا۔
بائیں محاذ کو جیت کا پورا بھروسہ
دانش کا کہنا ہے کہ ہمیشہ سے ہی جے این یو میں بائیں محاذ نے اپنے کاموں کے چلتے طلبہ و طالبات کی حمایت حاصل کی ہے۔ جے این یو کو بچانے کے لیے طلبہ و طالبات نے ایک بار پھر بائیں محاذ کو ووٹ دیا ہے۔ انہوں نے کہا کہ ان کو پورا بھروسہ ہے کہ بچے انہیں ہی جتائیں گے۔
بائیں محاذ اور اے پی وی پی میں سخت مقابلہ
قابل ذکر ہے کہ جے این یو اسٹوڈنٹ یونین میں جوائںٹ سکریٹری پر محض دو امیدوار ہیں، جس میں بائیں محاذ سے محمد دانش اور اے بی وی پی سے سمنتا کمار ساہو انتخاب میں حصہ لے رہے ہیں۔
اس میں محمد دانش آگے چل رہے ہیں۔ وہیں سمنت کمار ساہو بھی کڑی ٹکر دینے میں لگے ہوئے ہیں۔ فی الحال دہلی ہائی کورٹ کی طرف سے 17 ستمبر کو نتیجے جاری کرنے کی ہدایت دی گئی ہے۔
