دہلی سکھ گرودوارہ انتظامیہ نے گرو ہری کرشنا صاحب جی کے پرکاش پور کے موقع پر کویوڈ 19 مریضوں کے لیے ایک مفت ایمبولینس سروس کا آغاز کیا ہے۔
ڈی ایس جی ایم سی کے صدر مجندر سنگھ سرسا نے کہا کہ تمام تر سہولیات سے لیس کل 12 ایمبولینس دستیاب ہیں اور جب تک ہم کورونا کو شکست نہیں دیتے ہیں یہ خدمات دستیاب رہیں گی۔
ان کا کہنا تھا کہ ضرورت مند لوگ اپنے قریب کے گردوارے سے رابطہ کرسکتے ہیں حالانکہ ہم نے اس ضمن میں سوشل میڈیا کے ذریعے بھی معلومات فراہم کر دی ہیں۔
ڈرائیور اور وارڈ بوائے پی پی ای کٹ کے ساتھ ایمبولینس میں موجود رہیں گے، اور 24 گھنٹے اس کی خدمات جاری رہیں گی، اور اس کی خدمات پوری طرح سے مفت ہوں گی۔
یہ بھی پڑھیں: 'دہلی کی 15 فیصد آبادی کورونا سے متاثر'
خیال رہے کہ دہلی حکومت کے مطابق منگل کے روز دہلی میں کل ایک ہزار 606 نئے کیسز سامنے آئے تھے جبکہ 1924 افراد اس عرصے میں ہسپتال سے فارغ کیے گئے ہیں، جبکہ منگل کو 35 افراد ہلاک ہوئے ہیں، وہیں دہلی میں کورونا کیسز کی مجموعی تعداد ایک لاکھ 15 ہزار 346 تاک جا پہنچی ہے، اور یہاں کل تین ہزار 446 اموات درج کی جا چکی ہیں۔
