ڈیزل اور پٹرول کی قیمتوں میں اضافہ مسلسل 18 ویں دن بھی جاری رہا، تاہم ڈیزل کی قیمت دہلی میں 80 روپئے تک پہنچ گئی ہے۔
سرکاری تیل کمپنی انڈین آئل کارپوریشن کے مطابق دہلی میں ڈیزل کی قیمتوں میں آج 0.14 پیسے کے اضافے کے ساتھ اس کی قیمت 80.02 روپئے فی لیٹر ہو گئی ہے جبکہ پٹرول کی قیمت میں 0.16 روپے کا اضافہ کیا گیا ہے، جس سے پٹرول کی قیمت 79.92 روپے فی لیٹر ہو گئی ہے۔
پٹرول اور ڈیزل کی بڑھتی قیمتوں میں اضافے سے متعلق پورے ملک میں کانگریس اور دیگر حزب اختلاف کی جماعتیں لاک ڈاؤن کے باوجود احتجاجی مظاہرہ کر رہی ہیں۔ اس کے باوجود قیمتوں میں اضافے کا سلسلہ جاری ہے۔
واضح ہو کہ ڈیزل کی قیمتوں میں اضافے کے بعد ملک میں مہنگائی میں مزید اضافہ ہوگا۔
