ملک میں ڈیزل کی قیمتوں میں مسلسل دوسرے دن بھی اضافہ ہوا جبکہ پٹرول کی قیمت مسلسل 19 ویں روز بھی مستحکم رہی۔
ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق دہلی میں آج ڈیزل 17 پیسے اضافے سے 81.52 روپے فی لیٹرریکارڈ سطح پر آگیا۔ ممبئی میں یہ 15 پیسے اضافے کے ساتھ 79.71 روپے فی لیٹر پر آگیا، جو اب تک کی سب سے زیادہ قیمت ہے۔ کولکاتا اور چنئی میں ڈیزل کی قیمتیں بھی تاریخی اونچائی کے قریب پہنچ گئیں۔ کولکاتا میں ڈیزل 18 پیسے اضافے سے 76.67 روپے اور چنئی میں 13 پیسے اضافے سے 78.50 روپے فی لیٹر پر فروخت ہوا۔
دہلی میں پٹرول کی قیمت 80.43 روپے فی لیٹر پر مستحکم رہی، یہ 27 اکتوبر 2018 کے بعد کی بلند ترین سطح ہے۔ کولکاتا ، ممبئی اور چنئی میں بھی پٹرول کی قیمتیں بالترتیب 82.10 روپے ، 87.19 روپے اور 83.63 روپے فی لیٹر پر مستحکم رہیں۔
ملک کے چار بڑے میٹرو میں پٹرول اور ڈیزل کی قیمت (فی لیٹر ) مندرجہ ذیل تھی۔
- میٹرو سٹی------- پٹرول ----------------- ڈیزل
- دہلی ----------- 80.43 (فکسڈ) -------- 81.52 (+17 پیسے)
- کولکاتا --------- 82.10 (فکسڈ) -------- 76.67 (+18 پیسہ)
- ممبئی --------- 87.19 (مستقل) ------- 79.71 (+15 پیسے)
- چنئی ---------- 83.63 (فکسڈ) -------- 78.50 (+13 پیسے)
