عدالت نے تہاڑ جیل انتظامیہ سے نربھیا معاملے کے چاروں قصورواروں کونوٹس جاری کرنے کو کہا ہے کہ تاکہ وہ سبھی قانونی متبادل کا استعمال کرسکیں۔
اسے دیکھتے ہوئے اب ان کی پھانسی کی سزا سات جنوری تک ملتوی ہوگئی ہے۔ دراصل نربھیا کے والدین نے عدالت سے قصورواروں کو جلد سے جلد پھانسی کی سزا دینے کا مطالبہ کرتے ہوئے ڈیتھ وارنٹ جاری کرنے کی درخواست کی تھی۔
تہاڑ جیل انتظامیہ اب قصورواروں کو نوٹس جاری کرکے پوچھے گی کہ کیا وہ نئے سرے سے رحم کی عرضی دائر کرنا چاہتے ہیں۔
اڈیشنل سیشن جج ستیش کمار اروڑہ کی عدالت نے بدھ کو اس معاملہ کی سماعت ویڈیو کانفرنسنگ کے ذریعہ کی تھی۔
واضح رہے کہ سپریم کورٹ نے دہلی میں رونما ہوئے نربھیا اجتماعی جنسی زیادتی معاملہ کے قصوروار اکشے سنگھ کی نظر ثانی کی عرضی آج خارج کر دی اور اس کی پھانسی کی سزا برقرار رکھی۔
سپریم کورٹ کی جسٹس آر بھانومتی ،جسٹس اشوک بھوشن اور جسٹس اے ایس بوپنا کی بنچ نے اکشے کی نظرثانی کی عرضی یہ کہتے ہوئے خارج کردی کہ اس عرضی میں کوئی دم نہیں ہے۔
:
