'دہلی یونیورسٹی غیرنصابی سرگرمیوں کا ریزرویشن جاری رکھے'

نائب صدرایم وینکیا نائیڈو نے آج دہلی یونیورسٹی کے حکام کو مشورہ دیا کہ وہ غیرنصابی سرگرمیوں کے لئے کوٹہ سے متعلق فیصلے پر نظرثانی کریں

نائب صدرایم وینکیا نائیڈو نے آج دہلی یونیورسٹی کے حکام کو مشورہ دیا کہ وہ غیر نصابی سرگرمیوں کے لئے کوٹہ سے متعلق فیصلے پر نظرثانی کریں اور باصلاحیت فنکاروں کے لئے نشستیں مختص کرکے موجودہ کوٹہ کے طریقہ کار کو جاری رکھیں۔

نائب صدر نے ممبران پارلیمنٹ اور ممتاز فنکاروں کی جانب سے اس معاملے پر متعدد درخواستیں موصول ہونے کے بعد یہ تجویز دی۔

مسٹر نائیڈو دہلی یونیورسٹی کے چانسلر بھی ہیں انہوں نے یہ باتیں دہلی یونیورسٹی کے پرو وائس چانسلر اور ڈین کالجس سے ملاقات میں کہیں، جنہوں نے آج صبح نائب صدر سے ملاقات کی۔