دارالحکومت دہلی میں ہفتے کے روز ہوا کے معیار میں کوئی بہتری نہیں آئی ہے اور گذشتہ 24 گھنٹوں میں ایک بار پھر ہوا کے معیار کی سطح 367 ریکارڈ کی گئی ہے جو کہ ’انتہائی خراب ‘ ہے۔
سنٹرل پالیوشن کنٹرول بورڈ کے مطابق کچھ علاقے ایسے تھے جہاں حالت زیادہ خراب تھی ، انند وہا جسولا علاقے میں ہوا کے معیار کی سطح انتہائی خراب زمرے 400 سے زائد ریکارڈ کی گئی ۔ غازی پور لینڈ فل ، آنند وہار ، جسولا ، سرائے کالےخان اور دیگر مقامات پردھند کے غبار دیکھے گئے ۔
ہندوستان کے محکمہ موسمیات کے مطابق دہلی میں کم سے کم درجہ حرارت معمول سے تین ڈگری کم 13 ڈگری سیلسیس درج کیا گیا۔
