دہلی کے وزیر اعلیٰ اروند کیجروال دہلی کے اراکین پارلیمان کے ساتھ کورونا وائرس پر میٹنگ کریں گے اور وائرس کے پھیلاو اور اس کے بڑھتے مضرات سے نمٹنے کے لیے تبادلہ خیال کریں گے ، ساتھ ہی کورونا کے خلاف تیاریوں کا جائزہ بھی لیں گے۔
خاص بات یہ ہے اس اجلاس میں بی جے پی کے رہنما اور مرکزی وزیر صحت ڈاکٹر ہرش وردھن بھی موجود رہیں گے، اس کے علاوہ دہلی میں بی جے پی کے صدر منوج تیواری سمیت بی جے پی کے سبھی ساتوں ارکان پارلیمان گوتم گمبھیر، میناکشی لیکھی، پرویش ورما، ہنس راج اور رمیش بدھوڑٰیا شامل ہوں گے۔
وہیں دہلی سے عام آدمی پارٹی کے تینوں راجیہ سبھا کے ارکان سنجے سنگھ، سشیل گپتا اور این ڈی گپتا بھی موجود رہیں گے۔
قبل ازیں وزیر اعلی اروند کیجریوال نے اپنی پارٹی کے سبھی اراکین اسمبلی کے ساتھ ویڈٰو کانفرنسنگ کے ذریعے میٹنگ کی تھی اور دہلی میں کورونا جیسی وبا سے نمٹنے کی تیاریوں کا جائزہ لیا تھا اس کے علاوہ کیجریوال نے بی جے پی کے سبھی سات اراکین اسمبلی کے ساتھ الگ سے میٹنگ کی تھی اور حالات کا جائزہ لیا تھا۔
اہم بات یہ ہے کہ گزشتہ روز کورونا سے لڑنے کے لئے اپنے 5-ٹی منصوبے کا اعلان کرتے ہوئے وزیر اعلی نے ٹیم ورک کا تذکرہ کیا تھا اور کہا تھا کہ وہ اس سلسلے میں دہلی کے سبھی اراکین پارلیمان کے ساتھ میٹنگ کریں گے۔
