دہلی میں آئی جی آئی ہوائی اڈے پر سکیورٹی چیک کے دوران سی آئی ایس ایف نے ایک ہوائی مسافر کو 65 لاکھ 50 ہزار کی غیر ملکی کرنسی کے ساتھ گرفتار کیا ہے۔ جس کے بعد اسے کسٹم ڈپارٹمنٹ کے حوالے کردیا گیا۔ سی آئی ایس ایف نے بتایا کہ گرفتار مسافر کا نام 'ہاشم محمد عارف' ہے، جو دبئی جارہا تھا۔
سی آئی ایس ایف کے مطابق، سکیورٹی ہولڈ کے علاقے میں ڈیوٹی ادا کرنے والے سی آئی ایس ایف اہلکاروں کو پری امبارکمینٹ چیکنگ کے دوران اس پر شبہ ہوا۔ جس کے بعد سی آئی ایس ایف کے اہلکاروں نے اس کے مزید بیگ کی چھان بین کی، جہاں اس سے 90 ہزار امریکی ڈالر برآمد ہوئے۔
سی آئی ایس ایف نے بتایا کہ اس نے اپنے بیگ کے نیچے سے 90 ہزار امریکی ڈالر چھپا رکھا تھا۔ پوچھ گچھ میں مسافر ان کرنسیوں سے متعلق کوئی درست دستاویز نہیں دکھا سکا۔ جس کے بعد سی آئی ایس ایف کے اہلکاروں نے معاملہ اپنے سینئرز اور محکمہ کسٹم کو بتایا۔
