دہلی کے شمال مشرقی علاقے کھجوری خاص میں واقع شری رام کالونی میں بی جے پی کی جاب سے رکنیت مہم چلائی گئی اس دوران تقریبا 100 سے زائد مسلم خواتین نے بی جے پی کی رکنیت حاصل کی۔
اس پر اپنے رد عمل کا اظہار کرتے ہوئے دہلی میں بی جے پی کے ریاستی صدر منوج تیواری نے کہا ہے کہ بھارتیہ جنتا پارٹی کی جانب سے نئے بھارت کا آغاز ہو چکا ہے۔
انہوں نے کہا کہ مسلم خواتین کی پارٹی میں شمولیت اس بات کی دلیل ہے کہ ملک اب ایک بڑی تبدیلی کی جانب گامزن ہے۔ منوج تیواری نے کہا کہ ستر برسوں میں جس طرح سے مسلم طبقے کو ڈرایا گیا، بجائے اس کے اس کی فکر کی جاتی اس کا صرف استحصال کیا گیا۔
وزیر اعظم نریندر مودی کی جانب سے دیے گئے سبکا ساتھ سب کا وکاس اور سب کا وشواس کا نعرہ اب کامیابی بھی حاصل کر رہا ہے۔
اس موقعے پر بی جے پی کے اقلیتی مورچہ کے صدر محمد ہارون نے کہا کہ بی جے پی کی جانب سے چلائی گگئی رکنی مہم میں جس طرح سے مسلم خواتین نے رکنیت اختیار کی وہ خوشی کی بات ہے۔
انہوں نے مزید کہا کہ پارٹی اور مسلمانوں کے درمیان کی جو دوریاں تھیں وہ ختم ہو رہی ہیں۔ انہوں نے کہا کہ گزشتہ پانچ برسوں یہ میں یہ دوریاں کم ہو گئی ہیں۔ اور مسلمانوں کے اندر بی جے پی تئیں اعتماد بھال ہو رہا ہے۔
