اکیڈمی کے سکریٹری سرینواس راؤ نے ایک پریس ریلیز میں کہا کہ خیال کو ان کی نظموں کے مجموعے 'تازہ ہوا کی تابشیں' کے لیے ساہتیہ ایوارڈ کا اعلان کیا ہے۔Sahitya Academy Announce Award For Urdu Language
واضح رہے کہ اکیڈمی ہر سال 24 ہندوستانی زبانوں کے مصنفین کو ساہتیہ اکیڈمی ایوارڈ سے سرفراز کرتی ہے۔
اکیڈمی نے گزشتہ سال 30 دسمبر کو ہندی کے لیے دیا پرکاش سنہا اور انگریزی کے لیے نمیتا گوکھلے سمیت 20 ہندوستانی زبانوں کے ادیبوں کو سال 2021 کے لیے ساہتیہ اکادمی ایوارڈ کا اعلان کیا تھا، اور باقی چار زبانوں کے ناموں کا اعلان بعد میں کیے جانے کی اطلاع دی گئی تھی۔
اکیڈمی نے پیر کو جگدیش پرساد منڈل کو میتھلی زبان میں ان کے ناول 'پنگو' کے لیے ساہتیہ اکادمی ایوارڈ کا اعلان کیا۔
ریلیز میں کہا گیا ہے کہ "ان کتابوں کو متعلقہ زبان کی تین رکنی جیوری نے مقررہ انتخاب کے عمل کے بعد ایوارڈ کے لیے منتخب کیا ہے۔" قواعد کے مطابق ایگزیکٹو بورڈ نے ججز کی اکثریت یا اتفاق رائے کی بنیاد پر منتخب کتابوں کے لیے انعامات کا اعلان کیا ہے۔
راؤ نے بتایا کہ منتخب مصنفین کو 11 مارچ کو دہلی میں منعقد ہونے والے ایک خصوصی تقریب میں ایک کندہ شدہ تانبے کا شیلڈ، شال اور ایک لاکھ روپے کی رقم بطور انعام پیش کی جائے گی۔
