نابالغ طالبہ سے چھیڑخانی کے الزام میں ٹیچر گرفتار

طالبہ کے باپ نے پولیس کو تحریر دیکر الزام لگایا کہ ان کی لڑکی مقامی شاردے پبلک اسکول میں پڑھتی ہے اور جب وہ اسکول گئی تھی اس دوران اسکول کے ٹیچر ہری نند جوشی نے اس کے ساتھ چھیڑ خانی اور زور زبردستی کی۔

اتراکھنڈ کے ادھم سنگھ نگر جن پتھ میں استاذ شاگرد کے رشتے کو شرمسار کرنے والا واقعہ سامنے آیا ہے۔ ایک پرائیویٹ اسکول کے ٹیچر کو اپنی طالبہ کے ساتھ چھیڑ خانی کرنے کے الزام میں پولیس نے گرفتار کرکے جیل بھیج دیا ہے۔

ادھم سنگھ نگر سے موصولہ اطلاعات کے مطابق معاملہ تھانہ جھن کائیا کے بگہ 54 کا ہے۔ گزشتہ بدھ یعنی 16 اکتوبر کو ایک نابالغ طالبہ کے باپ نے پولیس کو تحریر دیکر الزام لگایا کہ ان کی لڑکی مقامی شاردے پبلک اسکول میں پڑھتی ہے اور جب وہ اسکول گئی تھی اس دوران اسکول کے ٹیچر ہری نند جوشی نے اس کے ساتھ چھیڑ خانی اور زور زبردستی کی۔ ملزم ٹیچر کے خلاف کارروائی عمل میں لائے جائے۔

پولیس نے ملزم کے خلاف تعزیرات ہند کی دفعہ 354/506 اور جنسی استحصال کے تحفظ کے قانون (پوکسو) کے تحت مقدمہ درج کرلیا اور تفتیش سب انسپکٹر ببیتا ٹمٹا کے حوالے کردی گئی۔ اس معاملے میں حقائق صحیح پائے جانے پر ملزم ٹیچر کو پولیس نے جمعرات کی رات اس کی رہائش گاہ سے گرفتار کیا اور ملزم کو آج عدالت میں پیش کیا گیا جس کے بعد اسے جیل بھیج دیا گیا۔