ریاست بہار کے ضلع دربھنگہ کے امبیڈکر ہال میں بہار کے پلاننگ اور محکمہ ترقی کے وزیر اور دربھنگہ کے انچارج وزیر نے ضلع کے کئی ایم ایل اے کے ساتھ سیلاب اور سوکھے کے حالات پر جا ئزہ میٹنگ کیا۔
اس جائزہ میٹنگ میں تقریباً سبھی سیاسی پارٹیوں کے ضلع سے لیکر بلاک تک کے صدر موجود تھے، ساتھ ہی ضلع جائزہ کمیٹی کے ممبران بھی موجود رہے۔
اس میٹنگ کے بعد صحافیوں سے گفتگو کرتے ہوئے وزیر مہسور ہزاری نے کہا کہ اس میٹنگ میں موجود سبھی لوگوں نے اپنی رائے دی۔
سیلاب زدگان کیلئے چلائے گئے راحت رسانی کے کاموں سے مطمئن سبھی سیاسی جماعتوں کے افراد نے ضلع انتظامیہ کے کاموں سے خوشی ظاہر کی۔
وزیر نے کہا کہ سیلاب سے ضلع میں جتنی بھی سڑکیں خراب یا ٹوٹی ہیں ان سب سڑکوں کی مرمت جلد حکومت کروائے گی۔
انہوں نے کہا کہ حکومت نے سبھی سیلاب متاثرین کے کھاتے میں 6000 روپے بھیجا جا چکاہے، اور جو متاثرین بچے ہوئے ہیں ان سب کو یہ مدد ملے گی۔
ریاستی وزیر نے ضلع انتظامیہ کو اس موقع پر اچھی کا ر کردگی کے لیے مبارکبادی پیش کی ہے-
ساتھ ہی انہوں نے اس بات کا اشارہ بھی کیا کہ ابھی ایک ڈیڑھ مہینے تک سیلاب کا خطرہ بنا ہوا ہے -
