ریاست بہار کے سارن ضلع میں واقع پرساتھانہ علاقےکے بہلول پور گاﺅں کے نزدیک اسکول بس کی زد میں آنے سے ایک طالبہ ہلاک ہوگئی۔
پولیس ذرائع کے مطابق اس تھانہ علاقہ کے بہلول پور گاﺅں کے رہنے والے اشوک شرما کی بیٹی نتیا ٹیوشن کیلئے جارہی تھی تبھی اسکول بس نے کچل کر اسے زخمی کر دیا۔
واقعہ کے بعد بس کا ڈرائیور گاڑی چھوڑ کر فرار ہو گیا۔ زخمی طالبہ کو پرائیوٹ کلینک میں داخل کرایا گیا جہاں علاج کے دوران اس کی موت ہوگئی۔
مزید پڑھیں: لتا منگیشکر کی ہسپتال سے واپسی پر دلیپ کمار کا اظہار مسرت
ذرائع نے بتایاکہ واقعہ سے مشتعل لوگوں نے جائے وقوع پر لاش کو رکھ کر مظاہرہ شروع کر دیا۔ معاملے کی اطلاع ملنے پر پولیس نے موقع پر پہنچ کر لوگوں کو سمجھا بجھا کر مظاہرہ ختم کرایا۔ لاش پوسٹ مارٹم کیلئے چھپرہ صدر اسپتال بھیج دی گئی ہے۔
