ہریانہ کانگریس صدر کماری شیلجا نے کہا کہ کانگریس پارٹی برودا ضمنی انتخابات کے لئے پوری طرح سے تیار ہے۔ الیکشن کمیشن کے کئے گئے اعلان کے مطابق ضمنی انتخابات تین نومبر کو ہوں گے۔
کماری شیلجا نے چندی گڑھ میں جاری بیان میں دعویٰ کیا کہ ضمنی انتخابات کے بعد ریاست میں بڑی تبدیلی ہونی طے ہے اور عوام سے دھوکہ کر کے بنی ریاست کی بھارتیہ جنتا پارٹی -جن نائک جنتا پارٹی اتحادی حکومت کا اس ضمنی انتخابات میں کانگریس پارٹی کی جیت کے ساتھ ہی گرنا طے ہے۔
انہوں نے بتایا کہ ہریانہ ریاستی کانگریس کمیٹی نے برودا ضمنی انتخابات میں الیکشن میں حصہ لینے کے خواہش مند دعویداروں سے درخواست بھی مدعو کی گئی ہیں اور ٹکٹ پانے کے خواہش مند دعوے دار 30 ستمبر سے چھ اکتوبر کے درمیان اپنی درخواست ہریانہ کانگریس کے دہلی میں واقع کیمپ دفتر میں جمع کرا سکتے ہیں۔
سونی پت ضلع کی یہ سیٹ کانگریس رکن اسمبلی کرشنا ہوڈا کے 12 اپریل کو ہوئے انتقال کے بعد خالی ہوئی تھی۔
