رام پرساد بسمل اور اشفاق اللہ خان کے یوم شہادت پر تقریب

ریاست مدھیہ پردیش کے دارالحکومت بھوپال میں رام پرساد بسمل اور اشفاق اللہ کی یوم شہادت کے موقع پر تنظیم بزم دانش کے زیر اہتمام شعری نشست کا انعقاد کیا گیا، جس میں بھوپال اور آس پاس کے شعرا نے شرکت کی اور اپنے کلام سے رام پرساد بسمل اور اشفاق اللہ کو خراج عقیدت پیش کی۔

اس موقع پر مدھیہ پردیش اردو اکیڈمی کے سابق سکیرٹری سلیم خان نے رام پرساد بسمل اور اشفاق اللہ کی یوم شہادت کو بیان کیا اور کہا آج کا دن بھارت کی آزادی کی تحریک کے تاریخ میں بےحد ضروری دن ہے۔

آج کے دن 1927ءکو سرفروشی کی تمنا اب ہمارے دل میں ہے کہ مصنف شہید رام پرساد بسمل کو گورکھپور جیل میں پھانسی دی گئی تھی۔ اسی دن ان کے ساتھی شہید اشفاق اللہ خان کو فیض آباد جیل میں پھانسی دی گئی تھی۔ آزادی کی تحریک کے تیسرے اور بڑے شہید روشن کو آج کے دن نینیتال جیل میں پھانسی دی گئی تھی۔