شہر قاضی کی عوام سے اپیل

شہر بھوپال کے قاضی سید مشتاق علی ندوی نے موجودہ صورت حال پر عوام سے اپیل کی ہے کہ لوگ اپنے گھروں میں ہی جمعہ کے دن ظہر کی نماز پڑھیں اور مسجد صرف چار سے پانچ لوگ نماز جمعہ ادا کرسکتے ہیں۔

ریاست مدھیہ پردیش کے دارالحکومت بھوپال میں کورونا وائرس کے اثرات کو روکنے کے لیے لاک ڈاؤن کے پیش نظر عوام سے شہر قاضی سید مشتاق علی ندوی نے اپیل کی ہے کی کل جمعہ کی نماز تمام لوگ اپنے اپنے گھروں میں ظہر کی نماز ادا کریں گے اور مسجدوں میں چند لوگ ہی جمعہ کی نماز مختصر بیان و خطبہ کے ساتھ پڑھیں گے۔

شہر قاضی نے بھوپال کی عوام سے مزید کہا کہ جس طرح سے ضلع انتظامیہ اور محکمہ پولیس شہر میں کورونا وائرس کو پھیلنے سے روکنا چاہتی ہے اس میں شہر کے لوگ ان کا تعاون کریں اور بے وجہ اپنے گھروں سے باہر نہ نکلیں۔

شہر قاضی نے کہا کہ لوگ صبر سے کام لیں کیونکہ یہ پوری انسانیت کا معاملہ ہے اس وجہ سے ہم تمام لوگوں کو حکومت اور انتظامیہ کا ساتھ دینا چاہیے۔