کووڈ اور کورونا بنے بھائی بہن

ریاست چھتیس گڑھ کے دارالحکومت رائے پور کے پرانی بستی کے باشندے ونے ورما اور پریتی ورما نے اپنے جڑواں بیٹے اور بیٹی کا نام کووڈ اور کورونا رکھا ہے۔

ونے ورما کو رائے پور میڈیکل کالج اسپتال میں تقریبا ایک ہفتے قبل جڑواں بچے بیٹا اور بیٹی پیدا ہوئے تھے، انہوں نے دو دن پہلے ان کا نام رکھا جس میں بیٹے کا نام كووڈ اور بیٹی کا نام کورونا رکھ دیا۔

اس تعلق سے پوچھے جانے پر ونے ورما نے کہا کہ ابھی سب کے دل و دماغ میں کورونا چھایا ہے، ایسے میں لوگو ں میں کورونا کا خوف دور کرنے کے لئے بیٹے کا نام كووڈ اور بیٹی کا نام کورونا رکھنے کا فیصلہ کیا ۔

اس فیصلے کی سوشل میڈیا میں کچھ لوگوں نے جہاں حمایت کی ہے وہیں زیادہ تر نے اس پر تنقید کی ہے۔