کمل ناتھ کی گورنر سے ملاقات، فلور ٹیسٹ کا وقت مانگا

وزیراعلی کمل ناتھ آج گورنر سے ملنے پہنچے، اس دوران دونوں رہنماؤں نے ریاست کے موجودہ سیاسی حالات پر تبادلہ خیال کیا اور گورنر سے فلورٹیسٹ کے لیے وقت مانگا۔

مدھیہ پردیش کے وزیر اعلیٰ کمل ناتھ نے آج ریاست کے گورنر لال جی ٹنڈن سے ملاقات کی اور ریاست کی موجودہ سیاسی حالات پر تبادلہ خیال کیا اور فلور ٹیسٹ کے لیے وقت مانگا۔

یاد رہے کہ اسی مہینے کی 16 تاریخ کو اسمبلی کا سیشن شروع ہونے والا ہے۔

کانگریس میں چل رہے سیاسی گھمسان کے درمیان گورنر لال جی ٹنڈن ہولی کی چھٹی مناکر جمعرات کی رات ہی پہنچے ہیں۔ ریاست کے 22 ارکان اسمبلی نے اپنی اسمبلی کی رکنیت سے استعفیٰ دے دیا ہے۔ ان میں سے 19 بنگلورو میں ہیں۔

وہیں ریاستی حکومت نے بنگلور گئے چھ وزرا کو برخاست کرنے کی گورنر سے سفارش کی ہے۔

سندھیا کے حامی وزراء کو ہٹانے پر بھی بات چیت ہونے کی خبریں ہیں۔

وہیں یہ قیاس آرائیاں ہیں کہ موجودہ سیاسی حالات کے باعث بجٹ اجلاس بھی ملتوی کیا جاسکتا ہے۔

بنگلورو میں موجود تمام اراکین اسمبلی کے استعفی کو انہوں نے فرضی بتایا۔

بی جے پی نے اراکین اسمبلی کو یرغمال بنانے کا الزام لگایا

۔ اطلاعات کے مطابق وزیراعلی نے گورنر سے راجیہ سبھا انتخابات کے معاملے پر بھی تبادلہ خیال کیا ہے۔