ریاست مدھیہ پردیش جمعیت علماء ہند کے صدر حاجی محمد ہارون کی ہدایت پر آج جمعیت علماء ہند Jamiat Ulema-i-Hind نے مشنری اسکولوں میں اردو مضمون اور اردو اساتذہ کی تقرری کا مطالبہ کیا۔ جس کے لیے مدھیہ پردیش جمعیت کے ایک وفد نے آرچ بشپ سے ملاقات کی اور کہا کہ مشنری اسکولوں میں کسی وجہ سے اردو پڑھانا بند کر دیا گیا ہے۔ Demand for teaching Urdu in missionary schools
اس لئے اردو پہلی کلاس سے پڑھانا شروع کیا جائے جس سے اردو پڑھنے والے طلبا کو مشکلات کا سامنا نہ کرنا پڑے اور طلبہ اپنی مرضی سے مشنری اسکولوں میں اردو کی تعلیم حاصل کر سکیں جو اس وقت بہت ضروری ہے۔
دراصل جمعیت کو اس بات کا پتہ چلا تھا کہ جو مسلم بچے مشنری اسکول میں زیر تعلیم ہے وہ اردو پڑھنا چاہتے ہیں پر مشنری اسکولوں میں نہ تو اردو پڑھائی جا رہی ہے اور نہ ہی اردو پڑھانے والے موجود ہیں۔ اس لیے حکومت کی جو گائیڈ لائن ہے اس کے مطابق اردو سبجیکٹ اور اردو اساتذہ کی تقرری کی جائے۔
وہی جمعیت کے وفد نے جب اپنا مطالبہ آرچ بشپ کے سامنے رکھا تو انہوں نے یقین دہانی کروائی کہ اگر اسکول میں واقعی اردو کا ماحول ہے تو ہم ایک بار پھر مشنری اسکولوں میں اردو پڑھانے کے ساتھ اردو اساتذہ کی تقرری کریں گے۔
