کڑکناتھ مرغے میں برڈ فلو کی تصدیق

مدھیہ پردیش کے قبائلی ضلع جھابوا میں کڑکناتھ مرغے میں برڈ فلو پایا گیا ہے اور بھوپال کی لیب نے اس کی تصدیق ہو گئی ہے۔

سرکاری معلومات کے مطابق چار دن پہلے ضلع کی تھاندلا تحصیل کے گاؤں رونڈی پاڑا گاؤں میں واقع کڑکناتھ پولٹری فارم سے مرغے اور مرغیوں کے نمونے بھوپال لیب بھیجے گئے تھے، جس کی رپورٹ آج آئی۔

ڈسٹرکٹ ویٹرنری ہسپتال کے ڈپٹی ڈائریکٹر ولسن ڈابر نے اس کی تصدیق کرتے ہوئے کہا کہ وہ اپنی ٹیم کے ساتھ تھاندلا کے رونڈی پاڑا جا رہے ہیں اور علاقے کے ایک کلومیٹر کے دائرے میں پرندوں اور انڈوں کو تباہ کرنے کے لیے فوری کاروائی شروع کی جا رہی ہے۔

یو این آئی