آپ کو بتا دوں کہ وزیراعلی شیوراج سنگھ چوہان اس تعلق سے جلد ہی عہدیداروں کے ساتھ ایک میٹنگ کریں گے۔ جس میں مزدوروں کو مزید ریلیف دینے پر غور کیا جائے گا۔
لاک ڈاؤن کے بعد سے کام کی تلاش میں دوسرے ریاستوں کو جانے والے مزدوروں کی مسلسل واپسی جاری ہے۔ اس کے لئے اسپیشل ٹرینیں بھی چلائی جارہی ہیں۔حکومت دیگر ریاستوں میں کام کرنے والے مدھیہ پردیش کے مزدوروں کو بھی اسکیمز کے فوائد دینے پر غور کررہی ہے۔
ساتھ ساتھ مزدور اصول وقواعد میں بھی بہتری لائی جارہی ہے، تاکہ مدھیہ پردیش میں آنے والی کمپنیوں کو ریلیف دیا جاسکے۔
وزیر اعلی شیوراج سنگھ چوہان جلد ہی ویڈیو کانفرنسنگ کے ذریعے محکمہ توانائی کے حکام اور بجلی کمپنیوں کے عہدیداروں سے بات چیت کریں گے۔ میٹنگ میں بجلی کی فراہمی، میٹر ریڈنگ اور بلوں کی ادائیگی سے متعلق تبادلہ خیال کیا جائے گا۔
