ریاست مدھیہ پردیش کے دارالحکومت بھوپال میں عالمی تبلیغی اجتماع کے تیسرے روز بعد نماز فجر کثیر مجمع کو خطاب کرتے ہوئے مولانا محمد سعد نے تفصیل کے ساتھ ایمان کے حقائق پر روشنی ڈالی۔
انہوں نے کہا کہ اگر امت کو عملی دین پیش نہیں کیا گیا تو خطرہ ہے کہ وہ کتابی دین کے پیرو کار بن کر رہ جائیں گے وہ اصل دین کے قائم مقام کبھی نہیں ہو سکتا۔
مزید پڑھیں: گرودوارہ منیجنگ کمیٹی: ’پگڑی بینک‘کی منفرد پہل
دعوت اصلاح و تبلیغ کی محنت آج کی جارہی ہے اس کا مقصد نصیحت نہیں یقین کی تبدیلی ہے، انہوں نے کہا کہ مولانا الیاس اس کام کے ذریعہ ایمان کو مضبوط بنانے کے لیے محنت کرنا چاہتے تھے وہ فرماتے تھے کہ اگر میں اس کام کا کوئی نام رکھتا تو 'تحریک ایمانی' رکھتا المیہ یہ ہے کہ فی زمانہ لوگ دین کا وجود ایمان کے بغیر چاہتے ہیں، اسی نظریہ نے دعوت کی محنت کو غیر مسلمانوں کی طرف پھیر دیا ہے -
