کرناٹک ضمنی انتخاب: سیکولر کون ہے

الیکشن کمیشن نے ریاست کرناٹکا میں ضمنی انتخابات کا اعلان کردیا ہے اور اس کے ساتھ ہی سیاسی جماعتوں میں ٹکٹس کے لیے رسا کشی شروع ہوچکی ہے۔

عوام، خاص طور پر مسلم طبقہ اور سیکولر اقدار پر چلنے والے افراد اس تشویش میں نظر آتے ہیں کہ آخر کس پارٹی کو اور کس امیدوار کو اپنا رہنما مان کر اسے انتخابات میں ووٹ دے جائے۔

اس سلسلے میں ای. ٹی. وی بھارت نے متعدد سماجی و سیاسی کارکنوں سے بات کی اور یہ جاننے کی کوشش کی کہ آخر کیا وجوہات ہیں کہ سیکولرزم کے نام کا دم بھرنے والے سیاست دان ہندوتوا نظریہ رکھنے والی جماعت کو اپنانے کے لیے دوڑ رہے ہیں اور ایسے میں عوام اپنے لیے قیادت کا انتخاب کیسے کرے۔اس وقت ملک بھر میں کئی ایسے رہنما ہیں جو سیکولر کہلائی جانے والی جماعتوں کو خیر آباد کہکر فرقہ پرست جماعتوں میں شمولیت حاصل کی ہے۔ اس طرح کی تبدیلی ریاست کرناٹکا میں بھی دیکھی گئی جہاں متعدد کانگریس اور جے ڈی ایس پارٹی کے ارکان اسمبلی نے بی جے پی کا دامن تھام لیا ہے جس کی وجہ سے کرناٹکا میں کانگریس و جے ڈی ایس کی مخلوط حکومت گرگئی۔اس سلسلہ میں مختلف دانشوروں نے اپنی رائے دیتے ہوئے کہا کہ موجودہ حالات میں مسلمانوں کو چاہیے کہ انتخابات میں امیدوار کے کردار پر ایک گہری نگاہ ڈالیں اور اس کے پس منظر کا مختصر مطالعہ کریں جس سے یہ پتہ چل جائیگا کہ امیدوار آپ کی قیادت کے لائق ہے یا نہیں۔