مسجد رحمانیہ کی تعمیر نو کا کام پچھلے ڈیڑھ برس قبل شروع ہوا برادران اسلام کی کاوشوں اور تعاون سے نہایت قلیل وقت میں تعمیر کا کام مکمل ہوا۔
بنگلورو: مسجد رحمانیہ کی از سر نو تعمیر اور افتتاح
اس عالیشان مسجد میں 4 فلور ہیں، چوتھے فلور کو مقامی بچوں کی عصری تعلیم کے لیے مختص کیا گیا ہے، جہاں پروجیکٹر و دیگر جدید ٹیکنالوجی کے ساز و سامان فٹ کیے گئے ہیں۔
مہمان خصوصی مولانا مقصود عمران نے اپنے افتتاحی کلمات میں مسجد کی تعمیر نو پر خوشی کا اظہار کیا اور منتظمین و ذمہ داران کو مبارکباد پیش کی۔
اس موقع پر مسجد کے ذمے دار عبدالرزاق خان نے میڈیا کو بتایا کہ مسجد میں بچوں کو دینیات کے ساتھ ساتھ اردو زبان و دیگر عصری علوم کو سکھانے کا بھی نظم رکھاگیا ہے۔ انہوں نے کہاکہ مسجد رحمانیہ کو ایک ایسے مرکز کے طور پر روشناس کیا جائے گا جہاں انفارمیشن سینٹر ہوگا،بچوں کو دینی اور عصری تعلیم بھی دی جائیگی، اور مقامی حضرات بلا تفریق و مذہب وملت یہاں کی خدمات سے استفادہ کرپائیں گے۔ عبد الرزاق نے بتایا کہ مسجد میں ایک ڈسپنسری کو شروع کرنے کا بھی منصوبہ تیار کیا گیا ہے۔
