کرناٹک کے ضلع یادگیر کی ڈپٹی کمشنر ڈاکٹر راگاپریا نے کہا کہ یادگیر ضلع میں قائم کیے گئے تور خریدی مرکز پر کسانوں سے اقل ترین امدادی قیمت کے ساتھ یکم جنوری 2021 تا 30 جنوری 2021 تک تور خریدی جائے گی۔
انہوں نے کہا کہ ضلع یادگیر میں جملہ 38 خریدی مرکز بنائے گئے ہیں ان تمام مراکز پر تور دال خریدی کے تعلق سے ساری تیاری مکمل کرلی گئی ہیں۔
جن کسانوں نے تور فروخت کے لیے اپنے نام درج کروائے ہیں ان سے فی کسان 20 کونٔٹل تور خریدی جائے گی۔ مرکزی حکومت نے 6000 روپے فی کونٔٹل قیمت مختص کی ہے۔
ڈپٹی کمشنر نے کہا کہ کسانوں کو چاہیے کہ وہ فوری طور پر اپنے قریبی تور خریدی مرکز پہنچ کر اپنے نام تور فروخت کرنے کے لیے درج کروائیں اور ناموں کا اندراج کروانے کے وقت درکار ضروری دستاویزات جیسے آدھار کارڈ فوٹو کاپی، بینک پاس بک سے آدھار نمبر منسلک کردہ فوٹو کاپی اور محکمہ مال گذاری سے جاری کردہ آر ٹی سی سرٹیفکیٹ پیش کریں۔
ڈپٹی کمشنر نے کسانوں سے اپیل کی کہ وہ دیے گئے موقع کا استعمال کرتے ہوئے اپنے نزدیکی تور خریدی مرکز پر بغیر کسی انتظار کے آخری تاریخ تک اپنی پیداوار کو فروخت کریں۔
