ریاست کرناٹک کے ضلع گلبرگہ میں ماحولیاتی کارکن دشاروی کی گرفتاری کے خلاف یہاں ضلع آفس کے سامنے وومن انڈیا مومنٹ خواتین تنظیم ضلع گلبرگہ کی جانب سے بی جے پی حکومت کے خلاف احتجاج کیا گیا۔
بنگلور: ماحولیاتی کارکن دشاروی کی گرفتاری کے خلاف احتجاج
اس موقع پر وومن انڈیا مومنٹ خواتین تنظیم کی رکن سعدیہ سیدہ نے کہا کہ 'بنگلور سے 22 سالہ ماحولیاتی کارکن دشاروی کو مرکزی حکومت کے تین زرعی قوانین کے خلاف کسانوں کے احتجاج سے متعلق گریٹ اتھنبرگ کے ساتھ، ٹول کٹ، شیئر کرنے کے الزام میں گرفتار کیا گیا ہے۔
انہوں نے کہا کہ 'دشاروی ایک سماجی کارکن بھی ہیں۔ کسانوں کی حمایت میں اپنی آواز بلند کرنے والوں کو مرکزی حکومت نشانہ بناکر گرفتار کر رہی ہے۔ دشاروی کو گرفتار کر کے ملک کے نوجوانوں کے حوصلوں کو توڑنے کی کوشش کی جارہی ہے'۔
