کرناٹک میں قائم حراستی کیمپ کا گھیراؤ

اینٹی فاسسٹ پیپلز فرنٹ کی جانب سے منعقد اس احتجاج کا مقصد بنگلورو کے قریب واقع حراستی کیمپ کا گھیراؤ کرنا ہے اور اسے کھلنے نہیں دینا ہے، کیونکہ دو روز بعد اس حراستی کیمپ کا افتتاح عمل میں لایا جانا ہے۔

ریاست کرناٹک میں آج اینٹی فاسسٹ پیپلز فرنٹ اور دیگر سماجی تنظیموں کے سربراہان نے بڑے پیمانے پر شہریت ترمیمی قانون کے خلاف احتجاج کیا۔

اینٹی فاسسٹ پیپلز فرنٹ کی جانب سے منعقد اس احتجاج کا مقصد یہ تھا کہ بنگلور کے قریب واقع حراستی کیمپ کا گھیراؤ کریں اور اسے کھلنے نہ دیں۔

واضح رہے کہ چند روز قبل ریاستی بی جے پی حکومت نے ہائی کورٹ کو ایک مکتوب کے ذریعے یہ اطلاع دی کہ ریاست بھر میں حکومت نے 35 حراستی کیمپس کی نشاندہی کرلی ہے اور جن میں غیر ملکی افراد کو رکھا جائیگا۔

اطلاع کے مطابق اینٹی فاسیسٹ پیپلز فرنٹ کے اس احتجاج کے اختتام کے بعد چند ذمہ داران کو پولیس نے ہراست میں لیا اور تنظیم کے کارکنان کو ڈی ٹینشن کیمپ نہیں جانے دیا۔