ریاست کرناٹک میں شہر گلبرگہ کے گرام پنچایت انتخابات کے دوران آج ای ٹی وی بھارت نے آزاد پور گرام پنچایت کے عوام سے بات کی اور ان کے حالات کو جاننے کی کوشش کی۔
اس موقع پر عوام نے ای ٹی وی بھارت کو بتایا کہ گلبرگہ میں 242 گرام پنچایتیں ہیں لیکن یہاں پر گرام پنچایتوں میں فنڈ کی کمی سے ترقیاتی کام مکمل نہیں ہوپاتے ہیں۔
لوگوں نے یہاں پر پانی، بجلی، سڑک سمیت متعدد مسائل کا ذکر کرتے ہوئے کہا کہ گرام پنچایتوں کو سہولیات مہیا کرانا چاہیے۔
انہوں نے کہا کہ پنچایتوں میں سیاسی پارٹیز کے رہنما صرف انتخابات کے وقت ہی آتے ہیں۔ انتخابات کے بعد غائب ہوجاتے ہیں۔
انہوں نے کہا کہ اگر پنچایتوں کی ترقی کے لیے کام کرنا ہے تو گرام پنچایت کی ترقی کے لیے مرکزی حکومت کو زیادہ سے زیادہ فنڈ جاری کرنا چاہیے۔
انہوں نے کہا کہ ہر برس گرام پنچایت کے لیے فنڈ جاری کیا جاتا ہے جو پنچایتوں کے لیے ناکافی ہے، اس لیے ریاستی اور مرکزی حکومت کو گرام پنچایت کی ترقی کے لیے زیادہ سے زیادہ فنڈ کا اعلان کرنا چاہیے۔
