اقلیتی کمیشن نے این جی اوز کے لیے ڈائریکٹری شائع کرنے کا اعلان کیا

بھارتی ریاست کرناٹک کی اقلیتی کمیشن نے یہ اعلان کیا ہے کہ ریاست بھر کے این جی اوز اپنے ٹرسٹ یا سوسائٹی کی تفصیلات کمیشن کو ارسال کریں، تاکہ ان کے تعلق سے مفصل معلومات کو ایک ڈائریکٹری میں یکجا کرکے اسے شائع کیا جاسکے۔

اقلیتی کمیشن کے سکریٹری انیس سراج نے ای ٹی وی بھارت سے بات کرتے ہوئے کہا کہ 'وہ این جی اوز جو ریاست بھر کے مختلف اضلاع میں سماجی، ادبی و فلاحی خدمات انجام دے رہے ہیں، اپنی تنظیموں و انجمنوں کی تمام تر تفصیلات کمیشن کو ارسال کریں، تاکہ ان کو ایک ڈائریکٹری میں چھاپا جاسکے'۔

انیس سراج نے بتایا کہ اس ڈائریکٹری کی اشاعت کا مقصد یہ ہے کہ وقت ضرورت لوگ ان سے رابطہ کر سکیں اور ان سے مستفیض ہو سکیں۔انہوں نے مزید کہا کہ ہم نے ایک پروفارما تیار کیا ہے جس کے مطابق این جی اوذ اپنے اداروں کی تفصیلات ہمیں بھیج سکتے ہیں، جس میں بنیادی معلومات جیسے فون نمبر، ای میل، پتہ، خدمات کی مختصر، وغیرہ. بھیجی جاسکتی ہے۔این۔ جی۔ اوز یہ تفصیلات مندرجہ ذیل پتہ پر ارسال کرسکتے ہیں یا ای میل پر بھی بھیجی جاسکتی ہیں۔کمیشن کا پتہ...Karnataka Minority Commission5th Floor, VV Tower, Near Vidhana Soudha,BengaluruP: 080-22863400, 22864204, 6360704199E: secretary@karmin.inwww.karmin.in