بنگلور شہر کے ناگوار، ٹینری روڈ اور اطراف کے علاقوں میں رہائش پذیر کل 25 غریب اور مستحق طلباء میں لیپ ٹاپ تقسیم کئے گئے.
زم زم ہال میں منعقد ایک تقریب میں بی بی ایم پی بنگلورو کارپوریشن کی ویلفیر اسکیم کے تحت مقامی کارپوریٹر نے سرکاری افسران کی موجودگی میں آٹو اور ٹیکسی سبسیڈی کے علاوہ غریب طلباء میں لیپ ٹاپ تقسیم کئے.
اس موقع پر طلباء نے بتایا کہ گریجویشن کی پڑھائی کے دوران انہیں لیپ ٹاپ کی سخت ضرورت ہوتی ہے جو اس ویلفیئر اسکیم کے تحت انہیں دیئے گئے.
15 غریب اور مستحق افراد کو بی بی ای پی بہبودی اسکیم کے تحت آٹو اور ٹیکسی کی سبسیڈی بھی دی گئی. نہایت خوشی کا اظہار کرتے ہوئے ٹیکسی سبسیڈی پانے والوں نے کہا کہ یہ ہمارے روزگار میں بہتری لانے کے لیے انتہائی مفید ہے.
اس موقع پر طلباء کے والدین نے بھی خوشی کا اظہار کیا اور ذمہ داران کا شکریہ ادا کیا. علاقہ کے ذمہ داران نے بھی ایسی خدمات اور فلاحی کاموں کی ستائش کی.
