بنگلور: حکومت کووڈ 19 سے مقابلے میں ناکام

سابق مرکزی وزیر نے حکومت پر کرناٹک میں اسپتالوں میں صحیح انتظام نہ ہونے کے علاوہ غریبوں کو نظر انداز کرنے کا الزام لگایا ہے۔

کرناٹک میں کورونا وائرس کے اب تک 4764 فعال کیسز درج ہوئے ہیں جب کہ دارالحکومت بنگلورو میں 2050 کیسز درج ہوئے ہیں۔ ریاست بھر میں کل 1780 کووڈ-19 کے متاثرین صحتیاب ہوئے ہیں اور شہر بنگلور میں 812 افراد صحتیاب ہوئے ہیں۔

اس سلسلے میں آج سابق مرکزی وزیر و رکن قانون ساز کونسل سی ایم ابراہم نے نامہ نگاروں کو بتایا کہ کورونا وائرس کی وباء کے باعث غریب و مہاجر مزدور اس کا زیادہ شکار ہورہے ہیں لیکن حکومت کی جانب سے ان مسکین متاثرین کے علاج کے لئے ہسپتالوں میں موضون انتظام نہیں کیا گیا اور وہ لوگ مجبور بلا علاج تکالیف میں مبتلا ہو رہے ہیں۔ سی ایم ابراہم نے کہا کہ لاک ڈاؤن سے غربت میں اضافہ ہوا ہے حتیٰ کہ اے پی ایل کارڈ ہولڈرز اب بی پی ایل تک پہنچ چکے ہیں۔ انہوں نے مانگ کی کہ راشن کی مقدار میں اضافہ کیا جائے اور بلا لہاذ کارڈ سبھی میں راشن تقسیم کیا جائے۔ انہوں نے عوام سے کہا کہ ان حالات میں کووڈ-19 سے ہرگز نہ گھبرائیں اور ماسک، سماجی فاصلہ، وغیرہ پر سختی سے عمل کریں۔