شہر کے معروف سیاسی کارکن ڈاکٹر رزاق استاد نے ای ٹی وی بھارت سے خصوصی گفتگو کرتے ہوئے بتایا کہ گزشتہ 25 سالوں سے زیادہ عرصہ گزر چکا ہے شہر یا ضلع میں کسی قسم کے کوئی ترقیاتی کام نہیں ہوئے ہیں اور ضلع تعلیمی، سماجی، اقتصادی حتیٰ کہ کلی اعتبار سے پسماندگی کا شکار ہے۔
شہر میں محکمہ اقلیتی بہبود کی اسکیمز سے فائدہ اتھاتے ہوئے تقریباً 80 کروڑ روپے کی لاگت سے "مولانا آزاد ماڈل اسکولز قائم کئے گئےاور اسی طرح ان کی کوششیں جاری ہیں کہ شہر میں کسی نہ کسی طرح تبدیلی آئے۔
اس سلسلے میں ڈاکٹر رزاق استاد نے کہا کہ اصل میں شہر یا ضلع کے ترقیاتی کام عوامی نمائندوں، ایم. ایل. ایز و ایم. پیز کی ہوتی ہے جو کہ عملی میدان میں نظر نہیں آتے۔
مزید پڑھیں:'کرناٹک کے نئے وزیر اعلیٰ کو دو جگہوں سے کیا جائے گا کنٹرول'
ان حالات میں یہ دیکھا جارہا ہے کہ شہر رائچور میں گزشتہ و موجودہ عوامی نمائندوں سے عوام بیزار ہے اور ایک بڑی تبدیلی کےخواہاں ہیں کہ ایسے نمائندے ایوان اسمبلی میں جائیں جو حقیقی معنوں میں شہر اور ضلع کے ترقیاتی کام کریں۔
