کرناٹک کے ضلع کلبرگہ میں بارش چوتھے دن بھی جاری ہے۔ ضلع میں اتوار سے شروع ہوئی برسات بدھ صبح تک جاری ہے۔ اس موسلادھار بارش سے ضلع بھر میں تالابوں اور ندیوں میں پانی بھر چکا ہے۔ اس دوران ڈیم بھر چوکا ہے۔
کئی راستے بند ہو چکے ہیں اور کئی دیہاتوں میں پانی بہت زیادہ ہونے سے سینکڑوں ایکٹر کھیتوں کی فصل کو نقصان پہنچا ہے۔ اس دوران ضلع میں تین افراد کے ہلاک ہونے کی اطلاع ہے۔
دو نوجوان تالاب ڈوب کر ہلاک ہو گئے اور ایک خاتون کھیت سے گھر واپس لوٹتے وقت پانی میں بہہ گئی۔
گلبرگہ شہر کے بی این اسپتال روڈ، رام مندر روڈ سمیت مختلف شاہرہ پر پانی بھر جانے سے راستے بند ہو گئے ہیں۔ مختلف علاقوں میں لوگوں کے گھروں میں پانی داخل ہو گیا ہے، جس سے عام زندگی مفلوج ہو گئی ہے۔
ضلع میں 84 گھنٹوں میں 36 ملی میٹر بارش ریکارڈ ہوئی ہے۔ محکمہ موسمیات کے مطابق ضلع میں تین دنوں تک اسی طرح سے بارش ہو نے کا اندازہ بتا یا جا رہا ہے۔
