بلدیہ کی لاپرواہی سے عوامی مشکلات میں اضافہ

سڑک کے بیچوں بیچ ڈرینج ہونے کی وجہ سے لب سڑک جن لوگوں کی دکانیں اور مکانات ہیں انہیں اس سے زیادہ پریشانی اٹھانی پڑ رہی ہے۔ گندی نالیوں سے نکلنے والے گندے پانی کی بو اور تعفن سے انہیں کافی مشکلات کا سامنا کرنا پڑ رہا ہے۔

ریاست کرناٹک کے ضلع بیدر کے دلہن دروازہ چونا بھٹی علاقے میں ڈرینج کا گندا پانی سڑک پر بہنے کی وجہ سے راہ گیروں کو کافی مشکلات کا سامنا کرنا پڑ رہا ہے۔

سڑک کے بیچوں بیچ ڈرینج ہونے کی وجہ سے لب سڑک دکان و مکان کے لوگوں کو بھی ان نکلنے والے گندے پانی کی بو سے کافی مشکلات کا سامنا ہے۔

بلدیہ حلقہ 8 کے لوگوں نے ای ٹی وی بھارت سے بات کرتے ہوئے کہا کہ چونا بھٹی بلند دروازہ علاقے میں ڈرینج کا کام مکمل ہوئے ابھی چار ماہ ہوئے ہیں، پھر بھی ڈرینج سے گندہ پانی نکل رہا ہے۔

خاص طور پر بدبو کی وجہ سے بیماریاں پھیلنے کا اندیشہ ہے ویسے شہر بیدر میں ڈینگو، ملیریا اور دوسری بیماریاں بھی عروج پر ہیں۔

مقامی لوگوں نے محکمہ بلدیہ کے اعلیٰ ذمہ داران سے اپیل کی ہے کہ وہ اس ڈرینج سے نکلنے ہونے والے گندے پانی کے مسائل کو جلد سے جلد حل کریں۔

واضح رہے کہ صرف اسی علاقے میں دو سے تین ڈرینج ایسے ہیں جن سے گندا پانی نکلنے کی شکایت ہے۔