ریاست کرناٹک کے ضلع یادگیر سے بینگلور اور حیدرآباد شہروں کے لئے فاسٹ پیسنجر ٹرین شروع کرنے کا مطالبہ کیا گیاہے اس سلسلے میں ویر بھارتی فاؤنڈیشن یادگیر کی جانب سے محکمہ ریلوے کو ایک میمورنڈم پیش کیا گیا۔
جس میں مطالبہ کیا گیا کہ یادگیر سے بینگلور کے لیے فاسٹ پیسنجر ٹرین چلائی جائے، اسی طرح یاد گیر سے حیدرآباد کے لیے اور بیدر گلبرگہ پیسنجر ٹرین کو یادگیر تک چلانے کے علاوہ یادگیر ریلوے اسٹیشن پر تمام فاسٹ ٹرینوں کو روکنے کا مطالبہ کیا گیا۔
اس سلسلے میں ویر بھارتی فاؤنڈیشن کے صدر ویجنا تھ ہیرے نے ای ٹی وی بھارت سے بات کرتے ہوئے بتایا کہ پچھلے بیس سالوں سے یہ مطالبہ کیا جا رہا ہے کہ ایک فاسٹ پیسنجر ٹرین گلبرگہ یا یادگیر سے بینگلور کے لیے شروع کی جائے مگر افسوس کہ اب تک اس سلسلے میں کوئی اقدام نہیں کیا گیا۔
اس لئے ہم نے ویر بھارتی فاؤنڈیشن کی جانب سے محکمہ ریلوے کے اعلی ذمہ داران کو ایک یادداشت پیش کی جس میں مطالبہ کیا گیا ہے کہ بینگلور کے لیے ایک فاسٹ ٹرین شروع کریں اس کے علاوہ بیدر گلبرگہ ٹرین کو یادگیر تک چلائیں۔
اور یادگیر ریلوے اسٹیشن پر تمام سوپرفاسٹ ٹرینوں کو روکا جائے۔
سماجی کارکن عبداللہ بن احمد چاوس نے بھی ای ٹی وی بھارت سے بات کرتے ہوئے بتایا کہ یادگیر سے حیدرآباد کے لیے بھی ایک ٹرین فاسٹ پیسنجر ٹرین شروع کرنے کا مطالبہ کیا گیا ہے۔
کیونکہ حیدرآباد کے لیے جو ٹرین ہے وہ دو بجے ہے جس کی وجہ سے عوام اس ٹرین سے جانے سے قاصر ہیں۔
اسی لیے ہم محکمہ ریلوے کے ذمہ داران سے اپیل کرتے ہیں کہ یادگیر سے فاسٹ پیسنجر ٹرین شروع کریں۔
محکمہ ریلوے کے اعلیٰ ذمہ داران کو ایک یادداشت پیش کی گئی ہے۔
اور ساتھ ہی ہمارے علاقے یادگیر ریچور اضلاع کے مشترکہ رکن پارلیمنٹ راجا امریش نائیک کو بھی ایک میمورنڈم سونپا گیا ہے۔
جس میں یادگیر ضلع کے ساتھ ہوئی نا انصافیوں کو دور کرتے ہوئے یادگیر سے حیدرآباد و بینگلور کے لیے نئی فاسٹ پیسنجر ٹرینوں کو شروع کرنے کے لئے مطالبہ کیا گیا ہے۔
اس موقع پر فاؤنڈیشن کے دیگر ذمہ داران بھی موجود تھے تھے۔
