ریاست کرناٹک میں ٹیپوسلطان یوتھ کمیٹی کے ریاستی صدر ارشد دکنی نے ای ٹی وی بھارت سے خصوصی گفتگو میں کہا کہ' ٹیپوسلطان یوتھ کمیٹی اور مدینہ ٹرسٹ شاہ پور ضلع یادگیر کی جانب سے بزریعہ فیکس وزیراعلی کرناٹک بی ایس یڈی یوراپا کو ایک یاداشت روانہ کی گئی ہے۔
اس بابت انہوں نے کہا کہ' ریاست کرناٹک میں بھارتیہ جنتا پارٹی حکومت کے قیام کو ایک سال سے زائد کا عرصہ گزرچکا ہے مگر ریاستی حکومت نے ایک برس گزرنے کے بعد بھی کرناٹک اردو اکیڈمی کے چیئرمین کی نامزدگی عمل میں نہیں لائی گئی ہے۔
انہوں نے مزید اس معاملے پر کہا کہ اردو زبان مسلمانوں کی مادری زبان ہی نہیں بلکہ ہمارے ملک میں بولی اور سمجھے جانے والی زبان ہے، علاقائی زبان کے علاوہ ہندی زبان کی طرح اردو زبان کی فروغ کے لئے کرناٹک اردو اکیڈمی کے چیئرمین کی نامزدگی نہایت ضروری ہے۔
مزید پڑھیں:
کرناٹک میں کورونا متاثرین کی تعداد میں اضافہ
ارشد دکنی نے وزیراعلی یڈی یوراپا سے اپیل کیا کہ جلد از جلد کرناٹک اردو اکیڈمی کا چیئرمین نامزد کیا جائےاس موقع پر مدینہ ٹرسٹ کے خازن عود بن عمر بھی موجود تھے۔
