ریاست مہاراشٹر کے سماجی کارکن اور جے ڈی ایس پارٹی کے نائب صدرسید شفیع اللہ نے ای ٹی وی بھارت سے گفتگو کرتے ہوئے کہا کہ شہریت ترمیمی قانون تقسیم اور تعصب پر مبنی ہے اور یہ آئین کے خلاف ہے، انہوں نے سابق وزیراعظم ایچ ڈی دیوے گوڑا سے شہری ترمیمی قانون کے بارے میں بات کی ۔ ان کے مطابق دیوے گوڑا نے اس قانون کی مذمت کی اور بتایا کہ جےڈی ایس اس قانون کی مخالفت کرتی ہے۔
'شہریت ترمیمی قانون کے خلاف تمام متحد ہوجائیں'
سید شفیع اللہ نے اس قانون کے پس پردہ مقاصد اور بی جے پی کے ایجنڈے سے متعلق تفصیلی روشنی ڈالی۔
اس ضمن میں شفیع اللہ نے اپیل کرتے ہوئے کہا کہ تمام سیکولر جماعتیں و سماجی تنظیمیں متحد ہوجائیں اور اس غیر آئینی قانون کے خلاف اٹھ کھڑے ہوں اور پرزور مطالبہ کریں تاکہ حکومت اس قانون کو فوری طور پر واپس لے۔
