بیدر بلدیہ کے 34 وارڈز میں سے 32 وارڈز میں انتخابات منعقد ہوئے جس میں کانگریس پارٹی نے 15 نشستوں پر شاندار کامیابی درج کی۔
وہیں جنتادل سیکولر 7، بی جے پی 8، مجلس اتحاد المسلمین 2 اور عام آدمی پارٹی نے بھی کامیابی حاصل کی جبکہ سی پی ایم اور ویلفیئر پارٹی آف انڈیا کے کسی نمائندے نے کامیابی حاصل نہیں کی۔
بیدر بلدی انتخابات میں کانگریس سب سے بڑی پارٹی بن کر ابھری ہے۔ کانگریس نے 15 نشستوں پر کامیابی حاصل کی۔ دلچسپ بات یہ ہے کہ اس بار مختلف پارٹیوں سے 12 مسلم امیدوار کامیاب ہوئے ہیں جن میں 6 مسلم خاتون امیدوار بھی شامل ہیں۔
