'کے ٹی پی پی ایکٹ میں کی گئی ترامیم بی جے پی کا دلت مخالف اقدام'

حال ہی میں بھارتیہ جنتا پارٹی نے اسمبلی میں 'کرناٹک ٹرانسپیرنسی فارپبلک پروکیورمنٹ ایکٹ' میں ترامیم کی ہیں، جس کے متعلق یہ خدشہ ظاہر کیا جا رہا ہے کہ اس اقدام سے ایس سی، ایس ٹی طبقات کے حقوق پامال ہوں گے۔

اس تعلق سے ای ٹی وی بھارت سے خصوصی گفتگو میں ایس ڈی پی آئی کے لیگل انچارج ایڈوکیٹ مجید خان نے بتایا کہ ” کے ٹی پی پی ایکٹ میں ترمیمات کے ذریعے بھارتیہ جنتا پارٹی نے ایکٹ میں ایس سی، ایس ٹی طبقات کو دیے گئے ریزرویشن کو ختم کیا ہے، جو کہ نہ صرف دستور کے خلاف ہے، بلکہ سراسر ناانصافی پر مبنی ہے”۔

ایڈووکیٹ مجید خان نے بی جے پی حکومت سے مطالبہ کیا کہ' کے ٹی پی پی ایکٹ میں کی گئی ان ترامیم کو فوری طور پر واپس لے کر دلتوں کے حقوق کو پامال ہونے سے بچایا جائے۔

یاد رہے کہ کے ٹی پی پی ایکٹ سنہ 1999 میں کانگریس کے دور اقتدار میں بنایا گیا تھا اور ٹھیکیداری میں ایس سی، ایس ٹی طبقات کو ریزرویشن دیا گیا تھا کہ انہیں معاشی اعتبار سے مضبوط کیا جائے لیکن اب بی جے پی نے اس ایکٹ میں ترمیم کرکے اسے لینڈ آرمی کو دے دیا ہے۔