ریاست کرناٹک کے ضلع یادگیر کی ڈپٹی کمشنر ڈاکٹر راگا پریا نے بتایا کہ گذشتہ پانچ برسوں میں ضلع یادگیر میں 173916 ووٹرز کا اضافہ ہوا ہے۔
واضح رہے کہ ضلع یادگیر میں گرام پنچایت کے انتخابات کے پیش نظر ووٹرز لسٹ کی تیاری کرلی گئی ہے۔
خیال رہے کہ ووٹر لسٹ کی تیاری کا کام 31 اگست 2020 میں شروع کیا گیا تھا جس کے متعلق پانچ برس میں ایک لاکھ 73 ہزار نو سو سولہ نئے ووٹرز کو ووٹ دینے کا حق دیا گیا ہے۔
ڈپٹی کمشنر ڈاکٹر راگا پریا نے ووٹرز لسٹ کا جائزہ لینے کے بعد عہدداروں کو مخاطب کرتے ہوئے کہا کہ پہلے مرحلے کے گرام پنچایت انتخابات کے لیے 540 پولنگ بوتھز بنائے گئے ہیں جہاں رائے دہی کے وقت تمام ضروری انتظامات کیے گئے ہیں۔
واضح رہے کہ تمام پولنگ بوتھز پر بنیادی سہولیات جیسئے پینے کے پانی، بجلی، فرنیچر، مہیا کرائے جائیں گے تاکہ کسی بھی ووٹر کو پریشانیوں کا سامنا نہ کرنا پڑے۔
ڈپٹی کمشنر ڈاکٹر راگا نے عہدے داران کو تاکید کی ہے کہ ضلع یادگیر کے گرام پنچایت انتخابات پرامن اور صاف و شفاف طریقے سے کرائے جائیں، اس بات کو یقینی بنانا عہدیداروں کی ذمہ داری ہے۔
