معروف عالم دین مولانا لطف اللہ رشادی کی یاد میں تعزیتی اجلاس

قادریہ مسجد کے امام و خطیب حضرت مولانا لطف اللہ رشادی جنہوں نے تقریبا بیس برس یہاں اپنی خدمات انجام دیں، ان کی یاد میں'جمع مسجد ٹرسٹ بورڈ' کی جانب سےا یک تعزیتی نشست کا اہتمام کیا گیا۔

ریاست کرناٹک کے دارالحکومت بنگلور شہر میں واقع قادریہ مسجد کے امام و خطیب حضرت مولانا لطف اللہ رشادی ایک طویل علالت کے بعد رحلت فرماگئے۔

آپ کو بتا دیں کہ'مولانا لطف اللہ رشادی کو معلم الحجاج بھی کہا جاتا تھا کیونکہ آپ ہر برس عازمین حج کو مناسک حج سے متعلق رہنمائی فرماتے تھے۔

قادریہ مسجد میں 'جمع مسجد ٹرسٹ بورڈ' کی جانب سے آپ کی یاد میں ایک تعزیتی اجلاس کا اہتمام کیا گیا جس میں شہر کے علما و دانشوران نے شرکت کر آپ کی خدمات کو یاد کیا اور خراج

عقیدت پیش کیا اور دعائے مغفرت بھی کیں۔

مولانا لطف اللہ رشادی نے شہر کی مرکزی عبادت گاہ قادریہ مسجد میں کم و بیش 20 برسوں تک خطیب و امام کے طور پر خدمات انجام دیں۔