بغیرماسک پہنے باہرنکلنے پرایک ہزار کا جرمانہ

کرناٹک میں کورونا سے نمٹنے اور انفیکشن کو کم کرنے کے لیے ماسک لگانا لازمی ہوگیا ہے، اگر کوئی بغیر ماسک پہنے گھر سے باہرنکلتا ہے تو اس پر ایک ہزارکا جرمانہ عائد کیا جائے گا۔

ریاست کرناٹک میں کورونا وائرس کی وجہ سے ماسک پہننے کو لازمی قرار دے دیا گیا ہے۔ جو لوگ ماسک نہیں پہنتے ان کے لیے حکومت نے ایک نیا فرمان جاری کیا ہے۔

ریاستی حکومت کا کہنا ہے کہ اگر کسی شخص کو عوامی مقامات پر بنا ماسک کے دیکھا گیا تو اس پر ایک ہزار روپے کا جرمانہ عائد کیا جائے گا۔ بی بی ایم پی کے اسپیشل کمشنر رندیپ نے یہ معلومات دی ہیے۔

اس قانون کو حکومت کرناٹک نے مئی 2020 کی پہلی تاریخ سے نافذ کیا ہے۔ اس وبا کو پھیلنے سے روکنے کے لیے ریاستی حکومت نے عوامی مقامات پر ماسک پہننا لازمی قرار دے دیا ہے۔ اگر کوئی دوبارہ قواعد کی خلاف ورزی کرتا ہے تو اس پر 2000 تک جرمانہ عائد ہوگا۔

حکومت نے پولیس محکمہ ، بی بی ایم پی مارشل اور بی بی ایم پی ہیلتھ انسپکٹرز کو خلاف ورزی کرنے والوں پر جرمانے عائد کرنے کا اختیار دیا ہے۔

سرکاری اعدادوشمار کے مطابق کرناٹک میں کورونا کے کل 576 کیس رپورٹ ہوئے جن میں اب تک 235 مریض ٹھیک ہو چکے ہیں اور 22 مریض فوت ہوگئے ہیں۔