ریاست اترپردیش کے بریلی میں سماجوادی پارٹی کے رکن اسمبلی شہجیل اسلام کے پٹرول پمپ کو بریلی ڈیولپمنٹ اتھارٹی نے بلڈوزر سے منہدم کر دیا۔ اتھارٹی کے افسران کے مطابق سماجوادی پارٹی کے رہنما کے پٹرول پمپ بغیر نقشہ پاس کرائے بنایا گیا تھا۔ یہ پٹرول پمپ بریلی دہلی قومی شاہراہ کے پرساکھیڑا کے نزدیک موجود ہے Bareilly Development Authority takes action against Assembly member Shahjeel Islam۔
بریلی ڈیولپمنٹ اتھارٹی کے مطابق محکمہ کی طرف سے پہلے نوٹس بھیجا جا چکا تھا۔ بلڈر کی جانب سے تخفیف کا نقشہ داخل کرنے کے لیے 15 دن کا وقت مانگا گیا تھا۔ جس کی وجہ سے انہیں 15 دن کا وقت دیتے ہوئے مقررہ تاریخ پر کارروائی کی گئی ہے۔ اس غیر قانونی تعمیر کو خود نہ گرانے کے بعد کاروائی اسسٹنٹ انجینئر پی کے گپتا کے ساتھ انفورسمنٹ ٹیم اور پولیس فورس کی مدد سے کی گئی۔
مزید پڑھیں:
معلوم ہوکہ دو اپریل کو یوگی آدیتہ ناتھ کے خلاف بیان دیتے ہوئے شہجیل اسلام نے کہا کہ ان کے منہ سے آواز نکلی تو ہمارے بندوقوں سے دھواں نہیں، گولیاں نکلیں گی۔ ان کے اس بیان پر بارادری تھانہ میں معاملہ درج کیا گیا تھا۔ ایسا مانا جا رہا ہے کہ یوگی آدیتہ ناتھ کے خلاف منہ کھولنے پر ان کے پٹرول پمپ کو بلڈوزر سے منہدم کر دیا گیا۔
