ضلع بریلی کی سرحد کو چھونے والے ضلع رامپور کے بعد سِکھ طبقہ کے تمام کاشتکار ضلع پیلی بھیت میں بھی کثیر تعداد میں رہتے ہیں۔ عام طور پر پیلی بھیت ضلع سے دہلی جانے والے تمام لوگوں کو بریلی سے ہوکر گزرنا ہوتا ہے۔ ایسے میں ضلع انتظامیہ نے تمام راستوں پر الرٹ جاری کرتے ہوئے اضافی پولیس فورس تعینات کی ہے۔ اِن علاقوں میں تمام آمد و رفت کرنے والے شہریوں سے پوچھ گچھ کی جا رہی ہے۔
اتر پردیش حکومت نے تمام اعلیٰ افسران کو ڈویژن کے تمام اضلاع کے ہیڈکوارٹر پر کیمپ کرنے کی ہدایت دی ہے، جس سے حالات قابو میں رہیں۔ اس کے پیشِ نظر بریلی کے ڈی ایم نتِیش کمار اور ایس ایس پی روہِت سنگھ سجوان نے بریلی پیلی بھیت کی ضلعی سرحد پر پہنچکر معائنہ کیا اور پیلی بھیت سرحد پر ایک عارضی چوکی قائم کرائی۔
اتر پردیش حکومت نے بریلی مراد آباد ڈویژن اور لکھیمپور میں خصوصی الرٹ جاری کر رکھا ہے۔ ان اضلاع میں ہی اضافی پولیس افسران کی تعیناتی کی گئی ہے۔ پیلی بھیت میں ڈی آئی جی راجیش پانڈے نے کیمپ کیا تو ضلع شاہ جہاں پور سے لیکر ضلع لکھیمپور کھیری تک ڈی آئی جی جیل اکھلیش مینا کو ذمہ داری سپرد کی گئی ہے۔ اس کے علاوہ پیلی بھیت میں ایڈیشنل ایس پی اجے پال شرما کی بھی تعیناتی کی گئی ہے تاکہ کاشتکار کوئی نئی حکمت عملی تیار کرکے بڑے پیمانے پر احتجاج نہ کرنے لگیں۔
خفیہ ایجنسی بھی خاموشی سے تمام اطلاعات جمع کرکے حکومت کو آگاہ کرنے کا کام کر رہی ہیں۔ اُن اضلاع میں افسران کی زیادہ چہل قدمی ہو رہی ہے، جہاں سِکھ طبقہ سے تعلق رکھنے والے کاشتکار سب سے زیادہ ہیں۔ غورطلب ہے کہ بریلی ضلع کی سرحد اتراکھنڈ کی سرحد کو بھی چھوتی ہے۔ لہزا پیلی بھیت ضلع کے کاشتکار بریلی نہ آکر اتراکھنڈ سے ہوتے ہوئے رامپور پہنچنے کی کئی مرتبہ کوشش کر چکے ہیں۔
