مقامی لوگوں کا کہنا ہے کہ یہاں پر ایک ہائی اسکول ہے اور اس اسکول کے ساتھ یہ نالہ بہتا ہے جو اسکول کے میدان سے متصل ہے۔ اور نالے کے قریب دیوار نہ ہونے کی وجہ سے اکثر بچے نالے کی طرف چلے جاتے ہیں جس کی وجہ سے یہاں اکثر حادثات ہونے کا خدشہ رہتا ہے۔
نالے میں ڈوبنے کے سبب پانچ بچے ہلاک
مقامی لوگوں کے مطابق اس نالے میں اب تک گاؤں کے پانچ بچے ڈوب کر ہلاک ہوئے ہیں اور حالیہ دنوں میں ایک دس سالہ بچہ کھیلتے کھیلتے اس نالے میں ڈوب کر ہلاک ہوگیا۔
گاؤں والوں نے کئی مرتبہ اعلی حکام سے مطالبہ کیا کہ اس اسکول کی دیوار تعمیر کی جائے لیکن انتظامیہ نے اس بارے میں کوئی حل نہیں نکالا۔
واضح رہے کہ یہ اسکولی میدان دوبگاؤں کا واحد کھیل کود کا میدان ہے جس کی وجہ سے علاقے کے بچے کھیلنے کودنے کے لیے یہاں آتے رہتے ہیں۔
